تمت الإفادة بخصوص مذر بورد Z77X-UD3H

انت عايز التوافق مع ويندوز 11

لا تشغل بالك بالبورده

ممكن تفعيل الخاصيه كمان من البروسيسور و ده كافى



استعمل احدث نسخه من البرنامج ده .. و شوف نتيجه البروسيسور

و ضع الصوره هنا
كملف مرفق .. لان صور المنتدى لا تظهر عندى

رابط
https://github.com/rcmaehl/WhyNotWin11/releases/tag/2.2.4


رابط الفحص نظيف .. VirusTotal
https://www.virustotal.com/gui/url/...35c84cfb093eae1462c79f0303448c469be/detection

 

هل البيوز عندك من النوع الحديث UEFI و انت حولتها داخل البيوز الى النوع القديم legacy علشان تبوت من الفلاشات

انا متوقع انها حديثه و انت غيرتها من الداخل علشان تدعم التوافق مع الهاردات mbr

 

انت عندك 5 مشاكل

1ـ مشكلتين فى البورده
لو البورده بتاعتك حديثه .. حلهم سهل
ستقوم بايقاف دعم legacy .. ده بيكون بجوار ال Secure Boot
ثم تفعل ال Secure Boot


2- مشكله فى الهارد ديسك
ان الهارد مقسم بنظام MBR

لو البورده بتاعتك حديثه حله سهل
حتحول الهارد الى GPT بدلا من MBR
لكن لو البورده بتاعتك قديمه .. لاتقوم بالتحويل نهائيا و مطلقا من GPT بدلا من MBR


3ـ ان ال tpm غير مفعله او غير موجوده .. و الاحتمال انها موجوده و غير مفعله
الحل سهل .. سنفعلها من البروسيسور


4ـ البروسيسور من الجيل الثانى .. و بالتالى طبقا لجدول البروسيسور هو غير مدعوم ..
و لكن لا اعتقد ان هذه هى المشكله ( عدم دعم البروسيسور
للاتى
بند البروسيسور باللون بالاصفر + علامه استفهام .. ده ضمنا بيقول لك ان البروسيسور به توافق جزئى ( هذا لا يمنعك من تثبيت الويندوز ) .. و لكن ايضا لم يحقق التوافق الكامل

و ده كلام منطقى جدا .. لان ميكروسوفت بتقول ان فى بعض الاجهزه اثناء تثبيت ويندوز 11 سيتم اخطارها بانه من غير المنصوح به تثبيتها ( NOT Advised ) .. و لكن لا تمنع التثبيت ان اردت انت ذلك

و منطقيا و عقليا .. ازاى تسمح لبروسيسور Celeron و اللى اقل منه Atom .. و لا تسمح لك ببروسيسور اعلى i7 جيل رابع

بروسيسور Celeron و اللى اقل منه Atom .. دى بروسيسورات اثريه تجدها فى المتاحف فقط

و فعليا .. فى ناس اجتازت الاختبار و البروسيسور عندهم جيل سابع
يعنى .. ( موش جيل ثامن زى ما جدول مواصفه البروسيسور طالب )



الخلاصه

1- تبدأ اولا بانك تتاكد ان البورده حديثه .. بمعنى حتلاقى فيها بند Secure Boot
لو حديثه نفذ المطلوب فى بند رقم 1 .. بخصوص legacy ,, Secure Boot

لو كانت البورده قديمه .. يبقى خلاص .. تقف هنا .. الكمبيوتر سيكون غير متوافق مع ويندوز 11


2- لو كانت البورده حديثه و نفذت المطلوب
يبقى تبدا تفعل ال TPM لو موجود .. و غالبا جدا انه موجود و غير مفعل
يتم تفعيله من داخل البروسيسور لو مدعوم داخل البروسيسور ( لاحظ ان البروسيسور جيل تانى )

لو موش موجود يبقى تقف هنا خلاص


3- انت كاتب انك بتستعمل ويندوز 10 .. لو بتستعملها نفذ الاتى
لو الخطوات السابقه تمت بنجاح .. يبقى تاتى خطوه تحويل الهارد الى GPT >> دى حتوقع الويندوز علشان تبقى عارف .. يعنى كل ملفاتك المهمه على C: تشيلها الى مكان ثانى

بعد ان تتم الخطوه و تعيد تثبيت ويندوز 10 .. تنتقل الى الخطوه الاخيره


4- تعيد الاختبار بالبرنامج .. قد يقبل البروسيسور بتاعك و قد لا يقبل لانه جيل قديم شويه .. لكن ان شاء الله يقبل لان لازم ميكروسوفت تعدل فى متطلبات البروسيسور .. ميكروسوفت اعلنت انها بتراجع متطلبات البروسيسور امبارح

و حتى لو لم يقبل .. انت كده تكون جهزت نفسك .. لو ميكروسوفت غيرت مواصفه البروسيسور و ده متوقع

.

 

اقرا الرد الكامل فيه كل شىئ انت عايزه،

 

و استعمل النسخه الحديثه من البرنامج 2.2.4

 

اصدار البيوز ليس له علاقه نهائيا بطلبك او بالتوافق مع ويندوز 11

و لا انصح اى احد بتحديث البيوز الا للضروره .. بلاش الموضوع ده
جرب الاول الخطوات بتاعتنا .. ولو حبيت تحدث البيوز بعدها .. خذ احتياطاتك كويس جدا .. و اعمل نسخه احتياطيه من البيوز على فلاشه قبل التحديث

اصلا نظام ال GPT هو علشان البيوز ال UEFI

انا موش فاهم انت ليه اصلا قسمت الهارد MBR .. دى كانت غلطه منك

تحياتى

 

انا كتبت لك موضوع طويل بجميع الخطوات و ترتيبها .. اتبع الخطوات لان الترتيب له سبب

قبل ما تحول جرب TPM

 

هل قرات هذا الرد
https://forum.zyzoom.net/threads/365306/#post-4549051

اعمل نسخه احتياطيه من البيوز قبل التحديث افضل

 

.

مكان و اسم الخاصيه لتفعيل ال TPM موجود فى المكان الاتى

الطريقه الرابعه

فى موضوعى الخاص بتفعيل ال TPM 2.0

رابط
ويندوز 11 اصدار Build 21996.1 .. شرح طرق التأكد من دعم TPM 2.0 .. و طريقه تفعيله

 

زى ما قلت لك كل شركه و ماركه لها مسمياتها الخاصه

1- عموما اسهل حل هو انك تعمل Default للبيوز ككل و تحفظ الاعدادات .. المفروض ان ده يرجع ال Secure Boot مفعل .. و يلغى ال legacy

بس خلى بالك .. انت كده لن تستطيع الدخول للويندوز على ما اظن >> ستحتاج تستب ويندوز .. او ترجع الاعدادات زى ما هى الان علشان تبوت ويندوز



2- بالنسبه للصوره اخر 4 سطور تحت هم الخاصين ب Secure Boot .. انا ساقول لك تخمينى

Storage Boot Option Control موش مفروض يكون Legacy >> ده يتغير

Boot Mode Selection >> ده يكون UEFI ثابت

CMS Support >> ده المفروض يتغير .. لان ده برضه خاص ب Legacy

PXE Boot ده المفروض خاص بالنتورك

يعنى الفكره
ستوقف ال Legacy فى سطرين
و تفعل ال Secure Boot فى سطر
شوف انت على الطبيعه .. ايه اللى عندك


3- اما السطر اللى انت معلم عليه .. ده احتمال به ال TPM
ال TPM بيكون موجود تحت تبويب Security او تبويب Advanced