تمت الإفادة استفسار بخصوص Bios laptop hp

[roooooley]

من فضلكم انا سطبت ويندوز 11 وكنت سمعت ان المفروض اغير وضع البوت مود من ليجسى القديم وان الافضل الاختيارين التانيين وبصراحه معرفش انهي اختيار فيهم الافضل ولكنى اخترت كما هو موضح بالصوره ارجو التوضيح انى محتاج افهم الصوره والاختيارات وايه الافضل فيهم وكمان ليه ال secure boot مختفيه ومقدرش اختارها وشكرا

 

[tasaka]

.

- سيتم ايضاح ما تريد معرفته غدا ان شاء الله

- مبدئيا .. لا تقترب من السطر بالازرق فى الصوره و لا تغير فيه شيئ



- الرجاء الاجابه بوضوح و دقه ليمكن مساعدتك

1- ضع اسم و مواصفه جهازك .. و مكتبى ام لابتوب

2- ضع نوع تقسيم الهارد ( او الهاردات لو اكثر من هارد ) .. هل هى GPT ام MBR ( ضع صوره تشمل كل الهاردات )

3- هل لديك اكثر من ويندوز ( يعنى Dual Boot ) .. و لو فيه هل منهم ويندوز 7

 

[roooooley]

يجب عليك تسجيل الدخول أو التسجيل لمشاهدة الرابط المخفي

اخى لاب توب اتش بي برو بوك 450 جي تى 2 والهارد mbr

 

[roooooley]

وفقط هو ويندوز 11 بس

 

[tasaka]

يجب عليك تسجيل الدخول أو التسجيل لمشاهدة الرابط المخفي

يجب عليك تسجيل الدخول أو التسجيل لمشاهدة الرابط المخفي

.

تمام .. الرد التفصيلى بكره ان شاء الله

مبدئيا انت عامل الاعدادات الصح ........ المناسبه للهارد MBR

لكن فى الاعدادات الاصح لكمبيوترك .. و ده سيتم توضيحه لاحقا .. ان شاء الله

 

[roooooley]

يجب عليك تسجيل الدخول أو التسجيل لمشاهدة الرابط المخفي

تسلم اخى الكريم وفى انتظار الرد ان شاء الله

 

[tasaka]

يجب عليك تسجيل الدخول أو التسجيل لمشاهدة الرابط المخفي

المفاتيح

1- جزء ( Add - Delete ) .. ده اعتقد خاص بالمفاتيح Keys


2- السطر بالازرق Clear Secure Boot Keys .. ده اعتقد خاص بالمفاتيح Keys hdqh

>> ابتعد عن تغيير المفاتيح .. لم استعمل هذه الخاصيه ابدا فى حياتى >> و اعتقد لها علاقه بالتشفير او لتثبيت انظمه غير ويندوز ؟؟؟ لا اعلم

المفروض ان Secure Boot به بيانات البوت المسموح بها .. لو مسحتها لن تستطيع البوت لان كل البيانات حذفت ..

و لا اعلم كيفيه استردادها ( قد يكون بارجاع البيوز الى القيم الافتراضيه ) .. و قد يكون من نسخه احتياطيه للمفاتيح تم عملها مسبقا قبل المسح ؟؟

الخلاصه لا تستعملها



3- Boot Mode

- Legacy و هو تحويل البيوز الحديث عندك .. الى بيوز قديم بالكامل MBR بنسبه 100%
.. بمعنى لو اخترتها لن تستطيع البوت نهائيا من اى نظام تشغيل مثبت على هارد GPT .. او تثبيت ويندوز عليه

- UEFI Native هو جعل البيوز فى بيئه UEFI شبه كامله لكن ليست 100% .. و لن يوجد اى دعم جزئى للبيوز القديم MBR نهائيا
.. بمعنى لو اخترتها لن تستطيع البوت نهائيا الا من نظام تشغيل مثبت على هارد GPT .. او تثبيت ويندوز عليه
لن تستطيع البوت من نظام تشغيل مثبت على MBR

- UEFI Hybrid .. جعل البيوز فى بيئه UEFI جزئيه .. مع دعم جزئى للبيوز القديم
بمعنى تستطيع البوت و التثبيت من هارد MBR و GPT


4- سطر Secure Boot

لن يظهر هذا السطر لوضع علامه صح بداخل المربع .. الا اذا كنت تستخدم اختيار UEFI Native
و حينها تصبح البيوز فى ى بيئه UEFI كامله 100%



الاختيار الاصح ( لكن غير اجبارى )

- البيوز الحديث مصممه لتعمل مع نظام هارد GPT

- الويندوز الحديث ايضا ( ويندوز 8 و اعلى ) مصمم لتعمل مع نظام هارد GPT

فبالتالى اللابتوب بتاعك اكيد اتى بويندوز 8 او اعلى .. و هو يحتوى على بيوز حديث

بالتالى .. جهازك اتى مقسم بنظام هارد GPT اصلا ( الا اذا قمت انت لاحقا بتغييير نظام الهارد الى MBR لسبب ما )



فتكون الاعدادات الصحيحه المناسبه لك
( لو لم تغير نظام الهارد الى MBR ) .. او ترغب فى تثبيت نظام لينكس مثلا هى

بشرط ان يكون نظام الهارد GPT

1- اختر - UEFI Native
2- ضع علامه صح فى سطر Secure Boot



معلومه اضافيه

عند استعمال اسطوانات صيانه من البوت ( من النوع القديم )

قد تحتاج الى تعديل الاعدادات مؤقتا كالاتى لكى تعمل الاسطوانه او الفلاشه

( بالترتيب .. احدها او كلها )

1- ازاله علامه صح فى سطر Secure Boot
2- اختر - UEFI Native
3- او اذا لم تعمل لانها قديمه جدا .. اختر وضع Legacy



الوضع الحالى عندك

يجب عليك تسجيل الدخول أو التسجيل لمشاهدة الرابط المخفي

- تم تغيير الهارد الى MBR >> يمكنك البقاء على هذا الوضع بالاعدادات الحاليه عندك بدون تغيير

- او ارجاع اللابتوب الى نظامه الاصلى

1- عمل نسخه احتياطيه من بيانات الهارد
2- مسح بارتشن C
3- استعمال برنامج بارتشن متخصص للتحويل الى GPT من البوت ( مثل
- Aomie
- EaseUS
- Minitools )

لا يتم استعمال اداره اقراص الويندوز Disk Management او cmd ( ممنوع ) .. لانها ستمسح الهارد و كل البارتشن بالكامل بكل الداتا

4- ثم تثبيت الويندوز من جديد

5- ثم تفعيل اعدادات البيوز الاصليه لجهازك

1- اختر - UEFI Native
2- ضع علامه صح فى سطر Secure Boot


-


..

 

[roooooley]

يجب عليك تسجيل الدخول أو التسجيل لمشاهدة الرابط المخفي

شرح ولا اروع الله يبارلك اخى الكريم ومن فضلك انا اعرف ان برنامج MiniTool Partition Wizard اقدر من خلاله تحويل الهرد لل GPT ومن علي سطح المكتب ومفيش اى بيانات هتتمسح وتقريبا مش هحتاج اغير الويندوز ولا انت رائيك ايه لان سامحنى انا فهمي علي قدى شويه فى الحجات دي

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

انا فاهم كلامك .. و وضعت لك الخطوات ( الاصح )



التحويل من داخل ويندوز
التحويل من MBR الى GPT و العكس


1- -Minitools يستطيع التحويل .. لكن لا يستطيع الاحتفاظ بويندوز ( حسب اخر ما قرأته عنه ؟؟ .. لانه لم يذكر بوضوح امكانيه ذلك )

2- EaseUS هو المؤكد انه يستطيع التحويل و الاحتفاظ بالويندوز ( بشروط خاصه )

3- Aomie اعتقد يستطيع التحويل و الاحتفاظ بالويندوز ( لكن غير واضح طريقته فى التحويل )



لاحظ الاتى

1- انت عندك هارد MBR >> بمعنى لا يسمح باكثر من 4 بارتشن اساسى Primary

- التحويل من MBR الى GPT لا توجد به مشكله
- التحويل من GPT الى MBR .. لابد ان يكون الحد الاقصى من البارنشن الاساسى لا يزيد عن 3 بارتشن على الهارد


2- باستعمال EaseUS

.. التحويل من GPT الى MBR او العكس بدون فقد ويندوز .. بيتم بانشاء بارتشن اساسى ( صغير جدا ) عليه السيستم فى اخر البارتشن C .. و يضع عليه السيستم بدلا من ان يضعه فى بدايه الهارد ( بدايه ال C )

>> و هذا هو سبب حفظ الويندوز بعد التحويل .. لانه لن يتم تحريك الداتا ( الويندوز ) من مكانها اثناء التحويل

بمعنى لو انت كان عندك 4 بارتشن اساسى .. التحويل من GPT الى MBR لن تستطيع الاحتفاظ بالويندوز .. او قد لا تستطيع ايضا التحويل اصلا ( فى حال الهارد عليه نظام تشغيل .. و لهذا طلبت منك مسح ال C قبل التحويل ب EaseUS ) .. لانه لن يمكن انشاء بارتشن خامس على هارد MBR ( لوضع السيستم عليه ) لحفظ الويندوز

لكن التحويل من MBR الى GPT لا توجد به مشكله .. الا نظام GPT يسمح بعدد كبير من البارتشن الاساسيه


3- باستعمال Aomie

لا اعلم طريقه عمله فى التحويل و اذا ما كان سيحتفظ بويندوز ( اعتقد يستطيع ذلك )

و بعد التحويل يمكنك مراجعه شكل البارتشن داخل البرنامج و معرفه اى تغيير او اضافه بارتشن قام بها


4- عموما EaseUS هو السابق و اول من عمل هذه الطريقه .. و اكيد باقى البرامج تقلد ما فعله .. بمعنى Aomie احتمال كبير يستعمل نفس الطريقه


5- التحويل و الاحتفاظ بالويندوز .. سيغير الترتيب الطبيعى للبارتشن الخاصه بالسيستم على الهارد ( و انا لا احب هذا و لا افضله )


6- لهذا طلب منك مسح نظام التشغيل اولا .. لانه طالما فى نظام تشغيل .. سيقوم EaseUS و Aomie بتنفيذ الطريقه .. سواء من الويندوز او من البوت




صور توضيحيه لفكره الاحتفاظ بالويندوز اثناء التحويل

اظن ايضاح كافى جدا .. و انتهى هذا الموضوع

.. و طبق الخطوات التى وضعتها لك فى الرد السابق بترتيبها

.. و ارجو الا تطرح مزيد من الاسئله فى هذه الجزئيه
( لانى مريض قليلا .. و اجد صعوبه فى الردود المطوله )


تقبل تحياتى

..

 

[roooooley]

يجب عليك تسجيل الدخول أو التسجيل لمشاهدة الرابط المخفي

تسلم وكتر الف خيرك بجد وتم التغيير ببرنامج -Minitools واخترت اللى انت قلته من البورده ونسخه الويندوز الحمد لله شغاله كويس وانا خلاص مش هسأل تانى خلاص كفايه تعبتك والف شكر

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

العفو .. لا شكر على واجب


اخر ما قرأته عن Minitools بكلام غير مباشر منهم انه لا يحتفظ بالويندوز ( اصدار قديم نسبيا )

معلومه جديده .. ما هو اصدار Minitools الذى استعملته



شوف داخل Minitools .. هل تم انشاء بارتشن سيستم بعد C ام لا

لو انشأ بارتشن سيستم بعد C ( بيكون صغير جدا جدا ) .. الافضل ان تحذف ال C ( و تحذف هذا البارتشن ( لا اعلم ان كان هذا ممكن ؟؟ .. تحذفه بعد حذف الويندوز و ليس قبل ذلك علشان يقبل الحذف )

ثم تنشئ بارتشن جديد فى كل المساحه الفارغه .. ثم تنزل الويندوز ( و بكده يكون ترتيب البارتشن طبيعى )


..

 

[tasaka]

.

ما هو اصدار Minitools الذى استعملته

 

[tasaka]

يجب عليك تسجيل الدخول أو التسجيل لمشاهدة الرابط المخفي

هل يكفى استخدام برنامج الحمايه الخاص بالويندوز 11

..

 

[roooooley]

اصدار البرنامج 12.5 وفعلا كلامك صحيح وانا مسحت البرتشن الصغير اللي مسحته ٢٠٠ ميجا وبعدها الجهاز بعد الاقلاع مش لاقي ويندوز بسبب البرتشن الصغير اللي مسحته وحاليا بسطب ويندوز

 

[tasaka]

يجب عليك تسجيل الدخول أو التسجيل لمشاهدة الرابط المخفي

كان الااصح

الاول حذفت C ( ليس مسح ) و البارتشن الصغير

ثم صنعت بارتشن جديد على كامل المساحه الفارغه ( علشان السيستم يكون طبيعى )


لكن لا مشكله .. الويندوز ستصنع بارتشن السيستم بطريقه صحيحه

بعد تثبيت ويندوز .. اعمل Resize .. و زود ال C ليشمل المساحه ال 200 ميجا

يجب عليك تسجيل الدخول أو التسجيل لمشاهدة الرابط المخفي

هل البارتشن ده كان بعد C ؟؟

لو كده يبقى كل البرامج اتبعت طريقه EaseUS

 

[roooooley]

اخي انا مش هقدر اطلب منك شئ تانى انا هعمل موضوع تانى لاني لبست فى الحيط بجد والبرتشن اللى اسمه efi مش راضى يتشال ولما شلته اول مره النسخه وقعت وانا مش عارف دلوقتي هل فى حل ولا لازم انقل داتا لهرد خارجي واقسم الهرد من جديد انا زيك وربنا تعبت وكرهت ام الكمبيوتر

 

[tasaka]

يجب عليك تسجيل الدخول أو التسجيل لمشاهدة الرابط المخفي

انا قلت لك الطريقه الصح .. فورمات سى ثم التحويل بدون نظام تشغيل
و لكن انت استعجلت و حولت


و بعد ما حولت
قلت لك اجذف ال سى الاول ثم البارتشن الصغير ( و غير مؤكد انك تستطيع حذفه ) .. و انت عملت العكس

يجب عليك تسجيل الدخول أو التسجيل لمشاهدة الرابط المخفي

خلى بالك بارتشن السيستم بيكون فيه جدول البارتشن يتاع الداتا .. تنبه جيدا



عموما الموضوع هنا ادى الغرض منه .. لفهم المعلومات التى تريدها سواء البيوز او غيره

و مؤقتا نزل الويندوز و سيب البارتشن الصغير .. لغايه ما نشوف ايه الوضع



اعمل موضوع جديد و ضع فيه رابط الموضوع ده .. و انا ان شاء الله اتابع معك غدا

لان فتح اكثر من استفسار فى نفس الموضوع اعتقد غير صح فى المنتدى .. و احنا هنا جاوبنا على اكثر من موضوع

 

[tasaka]

جرب

اثناء السيتب فى شاشه اختيار البارتشن

و اعمل delete ل سى و ليس فورمات

.. جرب حذف delete البارتشن الصغير

ثم نزل الويندوز على المساحه الفارغه Unlocated بعد حذف سى و البارتشن الصغير

ثم نزل الويندوز ..سوف تقوم ويندوز بتعديل مكانه للمكان الطبيعى ( احتمال )

 

[tasaka]

.

اختيار افضل اجلبه تكون مرتبطه بالموضوع

اما افضل اجابه الاخيره التى انت اخترتها .. هذه ليست اجابه اصلا


يعنى كل من الاجابتين المطولتين السابقتين كانت افضل اجابه لكل سؤال من اسئلتك التى طرحتها .. لانها اجابت على سؤالك المباشر

1- افضل اجابه لاستفسار الموضوع الرئيسى >> هى رد رقم 7
رابط
https://forum.zyzoom.net/threads/369790/#post-4586502


2-افضل اجابه لاستفسار اضافى ( خارج ) الموضوع الرئيسى ) فيما يخص التحويل من MBR الى GPT و العكس ) >> هى رد رقم 9
رابط
https://forum.zyzoom.net/threads/369790/#post-4586557


.عدل اختيارك لافضل اجابه و اختر رد رقم 7 .. لان ده بيفيد الزملاء فى المنتدى ..لانهم يجدوا اجابه الاستفسار المقدم فى الموضوع فى بدايه الموضوع