اللاب توب لايستجيب..لا واير لس يشتغل و لا تحكم بالصوت ومشاكل اخرى

[نمله مفعوصه]

السلام عليكم
:er:

وصف المشكلة
صارت المشكله قبل اسبوعين تقريبا

الجهاز كان له فتره يعلق معي لان ذاكرته شبه مليانه وكنت اضطر يا استناه بالساعه والساعتين حتى يرجع لوضعه الطبيعي او اقفله بزر الاقفال اللي عاللاب توب

وباليوم اللي بدت فيه المشكله علق كالعاده وكان فيه اشياء كثيره مفتوحه ومن ضمنها ملف وورد
فرحت ضغطت زر التقفيل
ووهو يقفل رحت حفظت ملف الوورد بسرعه حتى ما افقده

المهم فتحت الجهاز على طول بعدها
ولاحظت الأمور التالية:

اولا: برنامج الواير لس اللي معتمده عليه واللي هو intel PROSet Wireless تقفل
ولما ضغطت رايت كليك على آيكون البرنامج في شريط المهام حتى اضغط زر التمكين
لقيت كـــــــــــــــــــــــل الازرار لونها رمادي وماقدر اضغطهم
واذا ضغطت دبل كليك يفتح البرنامج ونفس الحاله الازرار اللي فيه كــــــــــــــــــــلها رماديه ماتنضغط
ويطلع لي صوت تنبيه من اللاب توب ((كانه الصوت اللي يطلع لما تضغطون اي زر والجهاز يبدأ التشيغل

)) المهم يطلع معه مسج يقول:
تعذر على برنامج intel PROSet Wireless استشعار محول لاسلكي مدعوم.رجاء تركيب محول مدعوم

وعندي برنامج الاتصالات Fahes Wireless حاولت افتحه من قائمة ابدأ واتصل بالنت عن طريقه بس كل مااضغطه مايفتح خير شر

ثانيا: ماقدر اتحكم بالصوت
واكتشفت هالشي لما لاحظت ان الصوت واطي على الزيرو
وحاولت ارفعه من ازرار التحكم بالصوت اللي على طرف اللاب توب فيطلع شريط الصوت بس مايستجيب ومايرفع الصوت
وقلت بقفل الصوت وبرجع افتحه ولما اضغط زر قفل الصوت اللي بطرف اللاب توب مايستجيب بعد
ورحت من ابدا >> لأكسيسوريز>>انترتينمنت>> التحكم بحجم الصوت
يطلع صوت تنبيه زي اللي ذكرته قبل مع مسج يقول:
لا تتوفر اي اجهزة خلط نشطه .لتثبيت اجهزة خلط انتقل الى "لوحة التحكم" انقر فوق "طابعات واجهزه اخرى" ثم انقر فوق "اضافة اجهزه" سيتم انهاء هذا التطبيق الآن

ثالثا: اقدر افتح بعض الملفات مثل الوورد والباور بوينت ويطلع مسجات أخطاء بس ماذكر وش كانت
واقدر احذف الملفات او الصور او الفديوز و...إلخ بس مااقدر انسخهم او انقلهم سواء من الـ C الى الـ D او لفلاش ميموري او اكستيرنال هارد ديسك

ودخلت ازالة برامج عشان احذف منه كم برنامج وبعد لقيته مايستجيب ويطلع نفس صوت التنبيه اللي يطلع مع المسجات السابقه وماقدرت احذف البرامج

رابعا: شريط المهام
اذا فتحت ملف وورد مثلا لازم يطلع بشريط المهام اني فاتحته ..صح؟؟
المهم بعد السالفه هذي .. اي شي افتحه مايطلع بشريط المهام
يعني لو اضغط زر تصغير في (ملف وورد مثلا) يضيع بعدها ومااقدر اكبره


جهازي هو: Dell inspiron 6400
نوع النظام: xp بروفيشنال باك 2 عربي
الآنتي فايروس اللي استخدمه هو: ESET NOD32 بس اكتشفت شي قبل قليل

>>انه out of date ويبيله أب ديت


المهم انا حاولت احل المشكله بأكثر من طريقه

:
اولا : حذفت مايقارب 11 قيقا بس مافاد <<يعني المشكله مو لان الـC أو الـDشبه مليان

وحاولت اخفف واسرع من تشغيل الجهاز بأني اوقف التشغيل التلقائي لبعض البرامج غير الضروريه مع بداية تشغيل الوندوز وبعد مافاد:f:

ثانيا : حاولت اسوي استعادة نظام ... بس اكتشفت اني ماكنت مسويه نقاط لاستعادة النظام من قبل
هذا غير انه عيا يدخل وقال لايمكن حماية الكمبيوتر من استعادة النظام وشي مثل كذا

ثالثا : دخلت عالجهاز في الـsafe mode عشان اسوي سكاننق للفايروسز لاني قلت فيه فايروسز تكون نشطه وماتنحذف الا بهالوضع
بس برنامج الفايروس ماشتغل في هالـmode


رابعا:دخلت عالسيرفسز لان يمكن تكون متعطله
بس لقيت كل الاشياء الضروريه عالوضع التلقائي ومافي اي مشاكل يعني المشكله مو بالسيرفسز

خامسا:دخلت على الأداء والصيانه
لقيت على اليمين مكتوب ((مستكشفو الأخطاء))
وتحته مكتوب
"اصلاح مشكلة بدء التشغيل والايقاف ومنها عدم استجابة windows"
قلت حلووووووووووووووو هذا هو اللي بيحل لب المشكله

بس جلست اضغط عليه مليــــــــــــون مره

ولا اشتغل .. طلع مايستجيب بعد


ومابي اسوي فورمات
في اشياااااااااااااااااااااء كثيــــــــــــــره مهمه مابيها تروح

ارجو ايجاد حل بدون فورمات ولكم مني جزيل الشكر

اما اذا كان ولابد من الفورمات

فهل تنمسح الأشياء اللي على الـ((D)) بعد؟؟
على الأقل انقذ نص اغراضي

و آسفه عالإطاله :q:

 

[نمله مفعوصه]

اهلين اخوي عابر طريق
يارب يكون الحل على يدينك لاني مليت

يستوجب عليك إحضار نسخة للويندوز على سيدي نفس الإصدار

انا مضيعه السي ديز اللي جايه مع اللاب توب
يصلح اشتري نفس الاصدار يكون بسي دي جديد مو نفس اللي جاي معاه؟؟
او اقدر القاه عالنت؟؟

 

[البارون]

طيب تقرير هايجاك جديد وتابعي موضوعك