مشكلة في الماسنجر لها شهر وما احد حلها

[هاجد المسعودي]

سلام
عندي مشكله لها شهر ما احد حلها
وحيرتني وجننتني
وعجزت ما قدامي الا اني افرمت الجهاز
الا اذا احد منكم عرف حلها
المشكله هي
كلما اسوي تسجيل دخول للماسنجر انتظر شوي ويتأكد من اسم المستخدم والباسوورد
ثم اذا جا بيفتح بريدي
يعلق
ويوقف
ولا يطلع لي رقم خطأ ولا شي

جهازي xp
والماسنجر اخر نسخه 8,178
قمت وحذفت اسخة وركبتها مره ثانيه ونفس المشكله
ركبت نسخه 7,5 ونفس المشكله
برنامج الماية عندي هو الكاسبر انتر سكيورتي
حذفت الكاسبر وشغلت الماسنجر ونفس المشكله
كنت استخدم بطاقه موبايلي للإتصال النت قمت واتصلت عن طريق ديل اب ونفس المشكله
رحت مقهى دي اس ال وبرظو ما تغير شي


تكفون حلو المشكله
وهل برنامج الهاي جاك يقدر يحلها
اذا يقدر يحلها احد يعرف له ويقول لي
الله لا يهينكم

 

[زيزوووم]

والماسنجر اخر نسخه 8,178
قمت وحذفت اسخة وركبتها مره ثانيه ونفس المشكله
ركبت نسخه 7,5 ونفس المشكله
برنامج الماية عندي هو الكاسبر انتر سكيورتي
حذفت الكاسبر وشغلت الماسنجر ونفس المشكله
كنت استخدم بطاقه موبايلي للإتصال النت
قمت واتصلت عن طريق ديل اب ونفس المشكله
رحت مقهى دي اس ال وبرظو ما تغير شي

ويبيض وجهك ولاهنت اخوي هاجد ,,

حبيب قلبي ,, من شرحك للمشكله باول مشاركه لك ,,
المشكله ماهي من جهازك ,, ولا من الاتصال

\\

طيب عطل جدار الحمايه للويندوز
وشوف ايش يصير معك ,,

واذا ما مشى الحال ,,
اشبك النت بالدايل اب ( ايزي نت )
وجرب هذه الشركات ((( ولاتجرب اول نت )))

سعودي نت
3660077

صحارى
3660123

اثير
3660333​

 

[زيزوووم]

ياملا العافيه والله

اخوي هاجد اذا البريد هذا للبيع تراني شراي :biggrin:

مسيوم بـ 3000 ريال ,,
افرق السووم واخذه لووووووووووووووووووووووول
هههههههههههههههههههه​

 

[السيف]

مسيوم بـ 3000 ريال ,,
افرق السووم واخذه لووووووووووووووووووووووول

هههههههههههههههههههه​

غالي

لكن مايخالف بـ3001 زودنا ريال ههههههههه بع بع :biggrin:

==============================

اخوي العزيز هاجد جرب الي قالك اخوي زيزوووم ورد لنا خبر بالنتيجة
وان شاء الله لازم نكسر خشمه هالماسنجر :biggrin:
بس لاتفرمت

 

[هاجد المسعودي]

هلا اخ زيزوم

جدار الحماية حق الويندوز موقفه لي اسبوع

واستخدمت قبل شوي اتصال صحارى وسعودي نت واثير ونفس المشكله الاولى؟؟؟؟؟؟؟

وبعدين يالسيف اصبر خلني ادخل على الماسنجر وبعدين اغير الباسوورد ولا عاد يقدر يبيع زيزوم

واحتكر السوق
ههههههههههههههههههههه

 

[هاجد المسعودي]

ياجماعه عن اذنكم

وراي سفر والطريق طويل حوالي 900 كيلو

وبأمشي قبل الليل واذا وصلت الليله بدري ان شاء الله بألقاكم هنا

واذا وصلت متأخر الوعد بكره

ومشكورين

السيف الله يعطيك العافيه ولا يهينك
زيزوم ما يحتاج اقول شي كلمات الشكر تعجز
كلما ظاقت علي زهمتك او لقيت مشاركاتك وانحلت مشاكلي والسبب بعد الله هو انت من عادك في المشاغب

لاعدمناكم
فمان الله

 

[السيف]

هلا اخ زيزوم

جدار الحماية حق الويندوز موقفه لي اسبوع

واستخدمت قبل شوي اتصال صحارى وسعودي نت واثير ونفس المشكله الاولى؟؟؟؟؟؟؟

وبعدين يالسيف اصبر خلني ادخل على الماسنجر وبعدين اغير الباسوورد ولا عاد يقدر يبيع زيزوم

واحتكر السوق
ههههههههههههههههههههه

هههههههههههه
لاتنسى السؤال السري عنده هههههههه


اخوي الغالي تاصل بالسلامة ان شاء الله , عسى الله ييسر دروبك يالغالي
بعد ماتاصل ان شاء الله بالسلامة

جرب الاداة ذي لااصلاح اخطاءالريجستري

يجب عليك تسجيل الدخول او تسجيل لمشاهدة الرابط المخفي

بعد التنصيب اضغط على ستارت سكان ناوstart scan now

بعدين fix
راح يطالبك في بينانات التسجيل

معلومات التسجيل User Name : TEAM iPA
Unlock Key : 839c2c16

واكمل الاصلاح واعد تشغيل الجهاز


ربما فيها خير

 

[هاجد المسعودي]

سلام عليكم

انا وصلت بخير

بس جهازي ماهوب بخير

سويت نفس اللي قلت لي وحملت البرنامج وما طلع شي
نفس المشكله الاولى

 

[زيزوووم]

الحمد لله على السلاامه
وبيض الله وجهك ولاهنت يالغلااا

شيك الخاص


---------------------------------

اخوي هاجد ,,
انت جربت اكثر من جهاز
جربت اكثر من اتصال
جربت اكثر من حساب

ونفس المشكله ,,
تتوقع السبب من وين ؟؟؟؟؟؟؟


ارسلت لك رساله مستعجله ​

 

[هاجد المسعودي]

هلا اخ زيزوم

انا اذا دخلت على ماسنجري من جهاز ثاني يدخل بدون اي مشاكل

بس المشكله من جهازي
ما يدخل على ماسنجري ولا اي حساب ثاني

بس لما ادخل على موقع الهوت ميل وادخل على صندوق الوارد يدخل بدون اي مشاكل

ارجو ان اكون وظحت المشكله
لأني اول شكلي ما عرفت اشرح المشكله مظبوط

<<<<مافيه أمل يطلع مدرس

 

[هاجد المسعودي]

احم
احم

 

[MAAX]

اخي الكريم انا احاول افيدك باللي اقدر عليه ان شاء الله
اولا روح الى جدار الحماية الخاص بالوندوز وادخل على استثنائات وتأكد من وجود المسنجر في قائمة الاستثنائات
واذا كنت تستخدم الكاسبر سيكوريتي نفس الكلام سويه مع جدار الحماية الخاص بالكاسبر
واذا ماتعرف قولي
وابشر بسعدك ان شاء الله

 

[هاجد المسعودي]

شسويله بعد
ماتقصر ياخوي ومشكور على ردك

بس الماسنجر موجود في الاستثناءات في جدار الحماية
وموجود بالكاسبر

===============

يالربع فكوني عليه خلوني افرمته

لاعاد تمسكوني

تراني ساكت له عشانكم:biggrin:

 

[MAAX]

هههههههههه طول بالك شوي
شوف حمل الاداة هذي

يجب عليك تسجيل الدخول او تسجيل لمشاهدة الرابط المخفي

واذا ما اشتغلت لازم تحمل الاداة التالية من ميكرسوفت وثبتها وبعدين شغل الاداة

يجب عليك تسجيل الدخول او تسجيل لمشاهدة الرابط المخفي

طبعاً تشوف ايش رقم الخطأ اللي عندك وتختاره من نفس الاداة وتسوي اصلاح ولا تنسى تطفي المسنجر من جنب الساعة
واذا ما ظبط باقي عندي حل اخير اعطيك ياه بعد تجربة هذا الحل

 

[الاكسندر]

ابيك تحذف المسنجر 7 .. واذا مركب باتش او بلص .. احذفها كلها

وارجع نزله ثاني .. وتشوف

على فكره خش ال سي .. برمقرمر فايلز . واحذف كل مخلفات المسنجر

ونصبه من جديد وباذن الله انه يروح .. لانها جاتني قبل فتره وكذا راحت .. ااتمنى انها تضبط معاك

 

[هاجد المسعودي]

شسويله بعد
البرنامج عندي من أول وما نفع

الاكسندر
سويت اللي قلت لي وما ظبط

لكن اخر علاج
الكي
بأفرمته والله لا يرده تعبتكم معاي ومشكورين جميعا والله يعطكم العافيه

 

[محمد الجراح]

الاخ العزيز هاجد المسعودي السلام عليك ورحمه الله وبركاته لم تذكر هل انت تستخدم الياهو ام الmsnاذا كان الياهو فهل يفتح الايميل لديك اذا كان الجواب لا فانه قد يكون الايميل لديك قد تم سرقته لانه صادفتني نفس الحاله

 

[ranynullnullsieben]

Mr Mohammad Aljarra7:he can use his Messenger and E-mail from another computer,this exclude steeling the E-mail.Did you try System restore to a point were your messenger worked properly?You can try it.Thanks

 

[boob77]

السلام عليكم يالغالي اذا ما فرمت خبرني

عندي حل يمكن يضبط !!

 

[السيف]

السلام عليكم يالغالي اذا ما فرمت خبرني

عندي حل يمكن يضبط !!

السلام عليكم

كيف حالك اخي الغالي boob77
كل عام وانت بخير عزيزي

اطرح الحل لاهنت ,, يمكن احد يمر على الموضوع غير الاخ صاحب المشكلة
وراح يدعي لك بالشهر الفضيل...

ومشكور على اجتهادك الملحوظ

تحياتي لك

 

[Mine]

هذي المشكله كانت تجيني مع الماسنجر 8

جهازي ديل وواحد ثاني اعرفه جهازه دل نفس المشكله
====================================
انا الى الان ما عرفت وش سببها وتجيني على الوندوز اكس بي لدرجه مره صارت اني فرمت جهازين بوقت واحد ونفس النسخه عليهم اثنينهم جهازي ما يشتغل معه الماسنجر والثاني عادي

لكن كنت اسكر كل شي وما افتح غير الماسنجر

واول ما اكتب الباسوورد واضغط انتر اسكر مربع الماسنجر واخليه يفتح براحته الى ان تطلع لي صفحة مسن اليوم اسكرها واشيل الصح من فتح مسن اليوم
=====================================

الان شلت الوندوز اكس بي وركبت الفيستا صار تمام معي وما ادري وش كان سببها