فختة طلاب ثانوية القادسية

[محبكم ابوسليمان]

يجب عليك تسجيل الدخول او تسجيل لمشاهدة الرابط المخفي

كعادتي اليومية على اطلالة الصباح الباكر بعد شربي لكأس الشاي وبخاصة (الربيع)

وبعد عودة أخي المنهك من الدوام المسائي إلى فراش النوم مباشرة, واخفاءه لمفاتيح الكامري 2009 تحت المخدة طبعا خايف على الموتر مني وأشكالي

(لكن ما درى الذيب ان الذياب على أشكلها تقع واني ناسخ المفتاح من يوم جا الموتر)

المهم ...

شغل الموتر يا ولد .... ونوم العوااااااااااااافي ياخوي .

الحمد لله الخط سالك والجو للثمامة والعدة موجودة لكن المعزز ماش اليوم ما عرف يسلك ( أ/ المـ...ـي) وكيل المدرسة طبعا مايحتاج (معروووف)

# بعد لفتين في الحارة والتشخيص بموتر أخوي:

(ترررن ..تررررن ) ألو هلا واااااااااالله ....جيت بوقتك ابوعزيز ..

ها ... الثمامة ؟؟

الثمامة قداااااام !!

وين أمرك الحين ..

عند الراجحي في غيره مسوي ماتدري ...

دقيقتين وأنا عندك ...

صباح الخير ...صباح النور والسرور

اركب اركب مافي وقت للسواليف خلنا ندوووس قبل يطلع الوكيل (أ/ العـ......ــي) تراه أبو (خمسة وخمسين عين ) والله مدري من وين جابها .

والله انك صادق ..

المهم ...

وخذلك من ذي السوالف اللي نصها والله مدري إن خويي معطيني على جوي ولا أنا اللي معطيه على جوه خاصة إن ماعندنا شي صدق نسولف فيه تعرف ثقافة( اااالضحاالة ).

ماعندك شريط مــ ... الجديد ؟؟

لاوالله عندي الدلوعة (نـ.........)

اسمع اسمع الصوت والله مدري من وين لها الصوت ذا والـ.....(مشفر طبعا) ...وخذها أنوااااااااااااع الطرب ..

المهم ...خذلك من ذي السوالف الين وصلنا للمكان المعتاد ..طبعاً ماقصر (م.ح) اللي دلنا عليه .

# في الثمامة :

شف .. شف .. شف راع الجيب ذا عرفت من هو ؟؟؟

لا تقول أستاذ ( ع . ع) ..إي والله ... وبعد شف من معه .

أمّا كل هالمدرسين مفاختين ..

الظاهر إن المدير مداوم لحاله هو ويا مدرسين الرياضيات والانجليزي ..

تكفى لا تذكرنا بها اللي ما قد جاهم عذر يغيبون فيه والله ولا انهم مضاد حيوي (شف الثقافة بس ..والله مدري من وين لقطتها)

المهم خذينا من العلوم الطيبة والشاي على الحطب ..واللي يوهقنا ترانا مصورين كل شي ..(ما أهدد ترى لا تفهموني غلط)

# الساعة 4:30 مساءً :

يووووووه راح الوقت والله مادرينا عنه من كثر الفلاعات والفك وتنتيف المدرسين والطلاب (سامحونا تكفى)

يالله يالله أخوي بيصحا اللحين عسانا نلحق عليه قبل يدري عنّا والله ماعاد أشمّ السيارة .

ضفّينا عفشنا وقشنا ولا تركنا شي للبلدية تعرفون شعارنا المحافظة على البيئة (أي والله اني داري من الطفرة)

اصبر ..اصبر قبل نمشي ترى ما صلينا الظهر ولاالعصر ..

ماعليك وقت الظهر طويل وحنا جماعة نصلي سوى لاوصلنا جمعا وقصرأ (اخس والله فقيه وانا مدري.....

# في الخط :

هدِّي يابن الـحلال(مدري هي كذا ولا كلمة ثانية ) تبي تذبحنا أنت ؟

أقوووول "ترى مسك الطارة لأهل الشطارة" خلك ساكت ماللك الا توصل عند أمك

ترااك ماشي 200 والله ان تذبحنا انت ..ماتشوف اللوحات ذي وش مكتوب عليها

يووووه ياشين الزلايب لاركبتهم معك .

(طبعا ما انتبهنا للوحة اللي مكتوب عليها خفف السرعة أمامك جدار أثري خطر على بعد كيلو مترات)

 

[:::DeadEnd:::]

:getsmile.tmp0014284<<<< وش صار بعدين

 

[محبكم ابوسليمان]

# بعد دقائق من تجاوز السرعة 200 :

(كووووووووووووووووووووووووووووووووووووووووح )

وعليييييييييييييييييييييييييييييك تصور بقية المشهد xxxxxxx (مابعده الا التشليح)

ابوعزيز عسى ما جاك شي ؟؟

لا والله جرح خفيف ويمشي بس انت عسا ماجاك شي ؟ لا مافين الا العافية

يوووه والله مادري وش بقول لأخوي ...والله انه تاعب عليها وما لها شهرين معه ...مدري وش هالقرادة اللي بي

في الحديد ولا في الــ ( . ياولد .. ياولد ... صوت شاااااااااايب)

يوووووه وش يبي ذا الشايب هذا وقته ؟!

أنتم ماتشوفون كم لوحة مرت عليكم ... انتبه من الجدار اللي أمامك

شف هالعالم اللي بعضهم من قبل ما تخلق انت وابوك وجدك بسنيين الى اليوم كلهم ما نتبهوا للوحات الي ورى وكنت بتصبر مثلهم بسبب ها لامبالة اللي فيكم

أي والله ياعم يااااااااااكثرهوووووووووم

شفهم زين؟ تعرف أحد منهم ؟

لا والله ياعم مافيهم شي واضح أعرفه

تدري انك لو ما نجاك الله كنت واحد منهم ما حد بيعرف عنك شي..

وش تقصد ياعم مافهمتك ؟

أقصد شف الناس المهدية اللي عقلها في راسها وعرفت تمشي صح وش كتبت في الجدار اللي قشعت فيه أنت وأشكالك وهذاك ماعرفت منهم أحد يا ولد
(أبوبكر الصديق , عمر الفاروق ,أحمد بن حنبل إمام أهل السنة ,ابن تيمية شيخ الاسلام
,......أديسون مكتشف الكهرباء .,المتنبي شاغل الدنيا ومالئ الناس , محمد البرادعي مدير الطاقة الذرية الاسبق ,العريفي داعية معروف , ,حسن الشمراني مدير مدسة القادسية
............الخ)
قريت ياولد وش مكتوب ؟

ايه والله ياعم بس توي ماخلصت..

المهم ..عرفت ياولدي وش ذا الجدار ؟

هذا جدار الزمن ياولدي وهذولي الناس ياولدي عرفوا يتركون لهم أثر في الجدار ...وهم متفاوتين في وضوح الخظ اللي قريته.

والحمد لله انه عطاك فرصة عشان تكتب لك ذكريات في الجدار , ولا خلاك تروح مع هالناس اللي ماعرفت فيهم أحد ويمكن بعضهم يقربون لك.

وأنا الحين أبيك تفكر وتقول لي وش راح تكتب على ها الجدار اللي أكيد انك الآن فكرت تكتب في ذكرياتك قبل يفوتك الفوت؟

طبعا كانت ها الصدمة كانت اقوى من صدمة الجدار ونسيت معها كل آلآمي خوفا أن أكون مثل هؤلاء المجهولين وقررت بجد أن أكتب فيه

(سيذكرني قومي إذا جد جدهم *** وفي الليلة الظلماء يفتقد البدر)

(طبعا القصة وإن لم تكن حقيقة فهي صورة من الصور التي نعيشها في واقعنا اليومي دون التفكير فيما ينتظرنا في المستقبل قس على ذلك كل ماشئت من ملشغلات هذا العصر من بلايستيشن وشات ووووو....الخ التي درسها وخطط لها أعداؤنا حتى نكون على هامش تاريخنا العظيم)

وأنت ياأخي اللي قاعد تقرا ها المقال فكر واكتب لنا وش راح تكتب في هالجدار اللي عسا الله يحقق لك أمنياتك وتكون هي بصمتك في الحياة ؟؟؟

منقول​

 

[:::DeadEnd:::]

راحت عليك مرتين ,, المرة الثالثة يا تحط الباقي عدل ,, يا ما رح اهوب على موضوعك ذا مرة ثانية << وتخسر تقييمي <<< يعرف يهدد :d:

 

[محبكم ابوسليمان]

:no:خلل فني أرجو المعذرة من القراء الكرام

 

[format]

يعطيك العافيه فديتك ..
ومبادرة حلوة منك..
ماننحرم منك ولا من واضيعك ..
تقبل مروري المتواضع ..
وتحياتي لك } :format
سبحان الله وبحمده - سبحان الله العظيم​

​

​

​

​

​

 

[المعجب100]

يعطيك العافية