شكل الجهاز راح فيها الوكاد انه اخترق .. توقف كل شي تماما...

[غَيّوضْ]

صباح الخير على الجميع

مشكلة أحبطتني والظاهر ان جهازي اخترق الله اعلم

اللي صار اني كنت جالس اتصفح بالمنتدى وبالأخص دخلت قسم التصاميم على دروس ابو عبدالعزيز
يوم قلب عندي كل شي لونه وردي وتوقف كل شي انا فصلت الجهاز على طول وانتظرت شوي ورجعت شغلته واشتغل عادي ولما رحت على الدروس مرة ثانية رجعت نفس الحكاية قلب كل شي وردي وتوقف كل شي وفصلته على طول وانتظرت كمان شوي ورجعت شبكت الجهاز وما امداني الا قلب كل شي وردي وبعدين شاشة سوداء وفصلته وبس وأنا الأن اتواصل معكم من جهاز آخر اسعفوني تكفون ترى جاني احباط واكتئاب وغلقه وكل شي وكلش والا الجهاز حقي عاد

بانتظاركم وش السالفة :er:


​

 

[هاوي النت]

يارجال احمد ربك هذا هكر مدلعك يعطيك الوان ورديه هههههه :q:
الله يعينا وياك وانا والله ياخوك احس ان جهازي مقلوب فوق تحت بس احسهم هكر كبار يعني مامنهم ضرر ​

 

[غَيّوضْ]

يارجال احمد ربك هذا هكر مدلعك يعطيك الوان ورديه هههههه :q:


الله يعينا وياك وانا والله ياخوك احس ان جهازي مقلوب فوق تحت بس احسهم هكر كبار يعني مامنهم ضرر ​

والله انك مرووووووووووق يا هاوي أنا محترررررررررررر وانت

جالس تنكت

تعرف يعني ايش جهازي مخترق يعني مصييييييييييييييييييييبة

رحت فيها لكن ان كان بالفعل اخترق جعل

عيون اللي اخترقه تخفس آآآآآآآآآآآآآمين







​

 

[هاوي النت]

هذا وانا جاي ابي اوسع صدرك واهون عليك يارجال عوافي .. والمعذره اذا ضايقتك يالغالي​

 

[غَيّوضْ]

هذا وانا جاي ابي اوسع صدرك واهون عليك يارجال عوافي .. والمعذره اذا ضايقتك يالغالي​

هههههههههههههه


لا ياخوك والله ماتضايقت بس مقهوووووووووووور من اللي صار

لا تزعل :



​

 

[ابن عضيدان]

الله يستر عليك يا سلاطين2 وعلى جهازك بعد
بس انا خايف انك مسوي تحديث للمذر بودر ون كانها على الاختراق بسيطة
اكيد عندك كبي للوندز ما ياخذ معك 15 دقيقة
والا الله يعينك على فورمات كامله
​

 

[Juve GuardJuve Guard is verified member.]

خخخخخخخخخخخخخخخخخخخخخخخخخ
يا رجال ما له دخل في الاختراق ولا شي
مشكلتك قد صارت لواحد من الربع في أحد المنتديات
بس والله ما اذكر المشكله بالضبط من ايش
لكنها ما تطلع عن شيئين
يا كرت الشاشه ولا المذربورد
واظن المذربورد الي فيها البلا

 

[غَيّوضْ]

الله يستر عليك يا سلاطين2 وعلى جهازك بعد

بس انا خايف انك مسوي تحديث للمذر بودر ون كانها على الاختراق بسيطة
اكيد عندك كبي للوندز ما ياخذ معك 15 دقيقة
والا الله يعينك على فورمات كامله​

والله ياخوي مافهمت اي تحديث اللي تقصده


؟؟؟؟؟؟؟؟؟؟؟؟؟


​

 

[غَيّوضْ]

خخخخخخخخخخخخخخخخخخخخخخخخخ
يا رجال ما له دخل في الاختراق ولا شي
مشكلتك قد صارت لواحد من الربع في أحد المنتديات
بس والله ما اذكر المشكله بالضبط من ايش
لكنها ما تطلع عن شيئين
يا كرت الشاشه ولا المذربورد
واظن المذربورد الي فيها البلا

مذربورد والا مذرفورد

خخخخخخخخخخخ

الزبدة وش الحل



​

 

[LINEZERO]

طيب اذا دخلت الجهاز من السيف مود عادي ولا لا ..

وبعدين مو لازم تطفي الجهاز

انت افصل النت وانتهاء .. ماحد يقدر يسوي شي

 

[غَيّوضْ]

طيب اذا دخلت الجهاز من السيف مود عادي ولا لا ..

وبعدين مو لازم تطفي الجهاز

انت افصل النت وانتهاء .. ماحد يقدر يسوي شي

اول شي واير لس وغثيث يبيلك وقت عشان تفصله عشان كذا

كتمت الجهاز مرة وحدة

ثاني شي أجرب ادخل بالسيف مود واذا دخلت وش السواة

؟؟؟؟؟؟؟؟؟؟؟؟؟؟؟؟؟؟؟؟؟


​

 

[ابن عضيدان]

اخي الكريم
هل تحس ان الجهاز شغال والشاشة تكون سوداء
والا ان الجهاز يشتغل عادي وبعدين يطفي ويخمد يعني ماعاد يشتغل
​

 

[LINEZERO]

اول شي واير لس وغثيث يبيلك وقت عشان تفصله عشان كذا ​

كتمت الجهاز مرة وحدة ​

ثاني شي أجرب ادخل بالسيف مود واذا دخلت وش السواة ​

؟؟؟؟؟؟؟؟؟؟؟؟؟؟؟؟؟؟؟؟؟​

انت اذا دخلت من السيف مود الجهاز يقلب وردي زي ماتقول ولا عاادي ؟

 

[ابن عضيدان]

اذا دخلت من السييف مود كويس اعمل استعادة للنظام ليوم او يومين (بس لاتنسى تحفظ ملفاتك والمفضله )
وبعدين خل الكاسبر يدهر لين يقول بس ثم عليك بالافج ومعهن الرجستري شاور وشغل خاصية اغلاق الجهاز اذا خلص واشبع نووم وان شاء الله الامور زينه
​

 

[غَيّوضْ]

اخي الكريم

هل تحس ان الجهاز شغال والشاشة تكون سوداء
والا ان الجهاز يشتغل عادي وبعدين يطفي ويخمد يعني ماعاد يشتغل​

الجهاز ما يطفي بس الشاشة اللي تقلب وردي على اسود وعلى

فكرة حرارة الجهااز جداا عالية حدها يسخن كثيييييييير



​

 

[غَيّوضْ]

انت اذا دخلت من السيف مود الجهاز يقلب وردي زي ماتقول ولا عاادي ؟

الأن أنا على السيف مود والشاشة عادية مافي اي شي


NEXT





​

 

[LINEZERO]

طيب اش رايك نفحص جهازك للتاكد

مع ان دام الشغله فيه حراره فالمشكله ماهي فيرووس


والله اعلم

والقرار عائد لكـ ..

بانتظارك ..

 

[غَيّوضْ]

اذا دخلت من السييف مود كويس اعمل استعادة للنظام ليوم او يومين (بس لاتنسى تحفظ ملفاتك والمفضله )

وبعدين خل الكاسبر يدهر لين يقول بس ثم عليك بالافج ومعهن الرجستري شاور وشغل خاصية اغلاق الجهاز اذا خلص واشبع نووم وان شاء الله الامور زينه​

ممكن طريقة استعادة النظام وعلى الفكرة الوندوز فيستا وبعدين

الحماية اللي عندي أفيرا مع ال AVG

وش هي خاصية اغلاق الجهاز ذي :?:



​

 

[غَيّوضْ]

طيب اش رايك نفحص جهازك للتاكد

مع ان دام الشغله فيه حراره فالمشكله ماهي فيرووس


والله اعلم

والقرار عائد لكـ ..

بانتظارك ..

OK

أجيبه لكم تفحصونه :q:

طيب الخطوة التالية كيف افحصه بالبرمج اللي

عندي والا فيه شي ثاني


؟؟؟؟؟؟؟؟؟



​

 

[ابن عضيدان]

الا جهازك مكتبي والا لاب توب
وبعدين الفيستا عربي والا انجليزي
​