◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

شد الحبل ههههههه

أذكر مرهـ كان عندنا اخوي وحرمته :d:
نسولف ونسولف قضت السواليف و مليناااا :q:
المهم قال أخوي وشرايكم نلعب لعبة شد الحبل

قالت اختي والله مافيني شده مالي خلق قال طيب كلكم تشدون من جهة وانا من جهه

طبعاً حنا أربع أنا وخواتي 3 وحرمة اخوي رابعه رصة حق بلووووت

قال ما تقدرون علي قالت اختي والله انّا نبطحك بالأرض ماتقدر تتحرك يقول والله تخسون ماتقدرون علي اربعتكم

قلت له انا اقوووول لا تجلس تسوي فيهاااا قووووي علينا وقسم بالله حركه وحده أسويهااا لك أن تبطحك بالأرض بدون تعب :kmj-by0000 (72):
قال لاااااااااا شغل نذااالة مايبي لهاااا

قلت أجل لا تجلس تهايط :q: بالأخير استسلم وهون

وربي متنا ضحك وهذا اخوي من النوع اللي يموت باللعب والمزح ويحب التعليق والطنازة تخصص عنده :cr:
يعني راعي سعة صدر ومايحب يشوف الجو رااااكد لازم يحركه بأي شي :d:
على فكرة هاللعبة دايم نلعبها بالبر معه نقسم المجموعه فريقين ونوزع المتان يمين ويسار وفس الشي العصلان :q:
يعني ما يتجمعون كلهم بصف واحد والا الفريق الثاني يروح وطي

​

.،~|​

​

​

​

 

[غَيّوضْ]

الفائز الثالث أناا هههههه

حجرت القطو وأخيراً ياهوووو :hh:

 

[غَيّوضْ]

شي غريب !!

تصدقون صآر شي غريب قبل أمس وأمس أسولف على سلاااطين عليه
أنا عندي جوال نوكيا من عام الفيل :q: n95 8g
المهم أحبه ومحتفظه فيه رقم إضافي يعني غير البي بي
طقت براسي الا اسوي له فورمات

وانا اذا حطيت شي براسي اسويييييييه :hh:
المهم جلست وفرمته بس الذاكرة الكبيرة تبعه ما تتفرمت الا باليو اس بي حقته اللي تجي مع الجهاز
وطبعاً مثل ما قلت لكم ان الجهاز يمكن له 4 سنوات او 5 والله مدري :i:
يعني ماعندي له لا وصلة ولا كرتون ولا كتالوج ولا اي شي وزين اللي الكفر حقه عليه

تمنيت وقتها ان عندي الوصله عشان اكمل الفورمات بس للأسف ماكوووو
طنشت الموضوع واكتفيت بجزء من الفورمات :d:
جا اليوم التالي عقب مارقيت من ابوي وخلاص انتهى دوامي معه :q:
حطيت قشي عالطاولة اللاب والمايك والجوالات وكل شي عندي حوووسه الله لا يبلى

وأنا احط الجوالات عالطاولة أناظر الطاولة الا عليهااا شي







وش تتوقعون :?:
فكروا وشوي وبرجع لكم الباب يدق :q:
.،~|​

 

[غَيّوضْ]

Back .،~

عودهـ :d:
طبعاً مافي أمل يجي على بالكم وش لقيت :q:
تخيلوا إني لقيت اليو اس بي اللي كنت ابيها عشان فورمات الجهاااااز
وللعلم البيت كله مافي هالوصلة ولا أحد عندهـ عشان نقول يمكن حقت فلان أو علان
أنا طبعاً ناظرتها وفرحت انها بجنبي عشان كنت ابيها ولا استوعبت الموضوع أبداً
يعني كيف جات ومن جابها وشلوون وووو :u:
طنشت وتركتها ما استخدمتها بس من حرصي حطيتها بالدرج

جيت اليوم التالي وتطق براسي الا اسوي تحديث للجوال :hh: << ياكثر مايطق ببالهااا :q:
المهم واجي واطلعها من الدرج واستخدمها للسوفت وير وانا استخدمهااا فطنت للسالفة
وبديت أتسائل كيف ووشلون ومن جابها عندي
ومن صدق بديت أخاف من نفسي

معقوووول أكون مخااااوية

وافتح مسج على سلاااطين ،، سلطان صار كذا وكذا وكذا !! وأسأله أنت عندك وصلة بالبيت تبع نوكيا :?:
قال وييييييييين منين ماعندي شي

قلت طيب وشلون كيف جت هذي عندي عالطاولة :?:
قااااام يضحك قلت اتكلم من جد والله اني بديت أخااااف :er:
وأسكر منه وأروح له بالغرفه قلت شف الوصله هذي لك :?:
قااااال هاااااااه ايه يمكن هذي حقت جوالي القديم !
قلت لا ياشيخ تبي تهون علي يعني ماتبيني اخاااف انا عااارفه ان مافي امل تحتفظ بشي مثل كذا ولو كان عندك مارح يكون هنا أكيد بالرياض :cr:
المهم وأنااادي الشغالة وأسألها منين هذي الوصلة :?:
قالت كنت ارتب درجك ولقيتها ورى الدرج
الغريب جداً جداً غرفتي جديده يعني وقت ماركبتها ما كانت عندي أصلاً الوصله
فبرأيكم أيش السالفة :d::d: :cr:






.،~|

​

 

[غَيّوضْ]

حيآكم

​

يالله حييهم اقلطوووا القهوهـ :q:

سموا لجميع الحاضرين

وهذا الحلى بس يكفي مب زين كثرته يسمن ويجيب السكر :cr:

:d:
.،~|​

 

[غَيّوضْ]

وقفة مع التقييمآت 22

وش يساوي بيكهام هنا <<

جبته بس عشان وجه الشبه بيني وبينه :hh:
العقدهـ :kmj-by0000 (72):

لا يهمونك .. لا يهمونك ( تلاقينه صغير عشان كذا ما يبغاك تسبقينه بالمشاركات وكل شيء ) لووول ^^

ومن قالك هموني خابرتني ياجبل مايهزك ريح هع

حاس حالي فايت على مطعم او مطبخ مو هذا مطبخ غيوض اقصد مدونة غيوض << الي عنوانها اصرار والم وبراي وعزيمة << عزيمة يعني عزم وارادة ولا ناس معزومين على برياني

لزوووم الضيااافه بعد مايصير مقيمين بالمملكة حقتي وما اضيفهم
مساكين نشفت ارياااقهم حتى مويه ماعطيتهم

البيض مو مقشر واللي مقشر بارد ,, والاورنج الفريش عندي منه حساسية ,, التست م محمص , والزبدة شكلها باردة ,, البانكيك سميك و شكله بارد ولا عليه عسل ,, الحين شلون اموت من الجوع والا تعوضيني عالعشاء .. كفاية الغدا ما زهبتيه

اشتغل عند ابوك اناااا لا اشتغل عندهـ وش رايك أجي اوكلك بعد :cr:
عاجبك أهلا وسهلا مب عاجبك جيب فطورك وتعال تكي هذا اللي عندي

خليهآ على ربك على الحزن مايعرف صغير ولا كبير / شكرآ لتشريفك مدونتي

محد من الهم خآالي أسألني أناااا بس أدااااري وراي ​

ي حياتي ي مغروره وربي إنهم ضالمينج ^^ .. إشتقت لج ي الدوووووبه وإسمحيلي عالتقصيرررر ..

وااااااي مو معقووول الدووووبة وينج ومب سامحتلج :cr:
تعااالي هنااك ابيج بكلمة راس :d:

سلامتك خيتوو ميموو عاد هاه يازووله الناس يغسلون الفاكهه مو بمفاجيع عليها مثلك ههههههههههههه

الله يسلمك بس عاد وش تقول زلااااقه :q:​

هههههههه ،، اهم شي المغص راح هههه لكن اشين شي يجيك مغص وانت مو في بيتكم ههههههههههههه ياليل الوهقه ههههههه ،، مستغرب شي نمتي البارح ولا قلتي تصبحون على خير ههه المغص شايف شغله ههههههههههه // انا المشمشتين

ايييييييه يامعووود اسكت بس كانت علوووم البارح

​

هههههههههههه لا ماوارك شي ،، بس عشان تقيمك يزيد طفسه سويتيها هههههههه //

ايه وش عاااد خله يزيد طفسه وانا استاهل << برااااا :hh:​

ـ ترى اعطيتك تقييم > درينا

ههههههههههه ياولد الحلال اهم شي طلع منك تقييم :q:​

الحمد للهـ ع سلامة الوصلهـ | ولي الشرف إنكـ ذكرتي إسمي بالمدونة ، آخر السطر التاسع | إذا عرفتيهـ رديلي بتقييم | وحدهـ بوحدهـ

الله يسلمك وتسلم وأكيد عرفته :q: وجايك التقييم :bleh:​

اقول عطيني من الدمبوشي اللي حاطته للأعضاء يطاردون مواضيعك طرد :: امزح ؛:: كنت فيذا ؛::

ابشر بس كم تدفع :d:
ابد الدنبوشي حقي بين قوسين " المحبه من الله "


الف الف شكر لكل من نورني بحضوره وتعليقه
وأحلى روز لكم

​

 

[غَيّوضْ]

صدق ورطه هع

من أغبى الرجال من يتبع هالمقوله

يقولون للرجال لا جاكم يسب ويشتم ويلعن بالحرمه أضرب الحرمة بالحرمة

وتلقاهم كل ما شافووو وجهه الا وتنهال عليه هالتساؤلات
تزوج ، أعرس ، لقينا لك وحده ، متى ناوي ؟؟
ويبونه يرد عليهم بالحال :d:
ورب البيت أغبى أغبياء العالم من الرجال اللي يمشي ورا هالمقولة وحياته ماشيه أمورها عادية وطبيعيه مثل أي بيت فيه الحلو وفيه المرّ :u:
لكن الفسقه الزايده اللي مالها داعي لإثبات الرجوله وعلى قولهم بيكسر خشم الحرمه والله تراه ما كسر الا خشمه بيده

بالأخير الحرمه تبي تقولهم رداً عليهم
أضرب الرجال بالرجال
وتعطيه ظهرها وتقوله سلم لي على حرمتك الجديده وعلمني اذا استمرت الحياة بينكم عشان أجي أهديها وسام الصبر

وفي الأخير الرجال يطلع من المولد بلا حمص لا طال بلح الشام ولا عنب اليمن

​

 

[غَيّوضْ]

نضحك شوي ^^

هذي بعض الكاريكاتير محتفظه فيها عندي :d:

رح اترك لكم التعليق :q:

​

 

[غَيّوضْ]

ناموووووو ههههههههههه

خلاااص أذن الفجر تصبحون ع خير
يالله وراكم مدارس ودوامات قوموا

.،~|

​

 

[غَيّوضْ]

قوووووة ..

قوووة قوووة
جيتكم بقووووة :kmj-by0000 (72):

For Every Body

:d:





.،~|​

 

[غَيّوضْ]

تآبعوني ^^

​

أممممممممممم
اليوم بسولف لكم عن
الحب
التضحية
نتائج الحب المزيف على مدى سنوآت
تآبعوني وياويلكم لو ما تركزون بكلاامي ويجي واحد يسأل سؤال شآطح كذا :cr:
ولا تنسون التعليقآت عشآن أعرف أتوآصل معكم مب كني اسولف ع روحي :q:





BrB
.،~|




​

 

[غَيّوضْ]

عزيمة من ورى الخشم ههههههههههههههه

رسآلة وصلتني عالجوال من شوي

هي الرسآلة موجهه لي ولخواتي كلهم من أخوي " المضآد الحيوي " :q:
نص الرسآلة :
العشاء بكرة عندي
ونتمنى لأزواجكم وأطفالكم الشياطين نوماً هنيئاً
أرجو تأكيد الحضور فالصحون محدودهـ

رديت عليه
نص الرسالة :
الحمدلله ماعندي زوج ولا أطفال عشان أحد يذلني فيهم
أهم شي العشاء يكون محترم ماهوب سلطة زبآدي هيص ليص يطلع كويس

.،~|​

 

[غَيّوضْ]

الحبــــ بين الحقيقة والنفآق ...

​

الحب

من وجهة نظري الخآصه جداً عشآن يحمل معنى الكلمة تماماً بكل تفاصيلها لآزم يكون مقترن بالتضحية
يعني عشآن الحب

الحقيقي يستمر لآزم يكون فيهـ تضحيهـ من كل الطرفين المحبين لبعض
سواء زوج وزوجة أو صديق وصديقه أو أم وأبنائها وأب وأبنائه والقائمة تطول :d:
نجي للزوج وزوجته :
كثير نسمع زوج يحب زوجته ويموت فيها >> لاااااحظوا نسمع :q:
بس لما نشوف تصرفآته معهآ واسلوبه وطريقة تعامله معهآ نقول لأبوهـ لأبو الحب اللي يعرفه :hh:
يعني متخذ كلمة " حب " مركى ووسآدهـ له عشآن يتوسد الحرمهـ فيهااا
وهو بالأصل كذاب ابن ستين كذآب

ومن بعض التصرفآت اللي تدل على انه كذاب ابن كذاب يجي وهذا للعلم حآل أغلب الرجآل تسليك يعني عشآن ما تقوم عليه الحرمهـ القيآمه ولا تقعدها :hh:
يجي يقولها يافلانه أحبك وأموووت فيك بس ودي أعرس وحده ثانية
بهالوقت وش تتوقعون تكون ردة فعل الحرمهـ :?:
غير كذا :er::er:

:er::er: مارح تكون
يعني خليط من علامات التعجب والحزن والتعصب وووو الخ من هالإمنية الشنيعه اللي يتمناها زوجها
مع انه توهـ هاللحظة يقولها أحبك وأموت فيك
وشلون تجي :?:
يحبها وهي عندهـ بالدنيا وكل شي وهم يبي يعرس عليهآآآ
أعتقد شي مو يجيب النفسيه والإكتئاب وبس يجيب كل أمراض الدنيا اللي فيه

تسأله : الحرمهـ طيب ليش وأنا وش العيوب اللي فيني اللي تخليك تفكر انك تتزوج علي :?:
يجاوبها : أبد والله ما أعيب فيك شي بالعكس " أنتي اللي حببتيني بالحريم "
شفتوا عذر اقبح وأحقر من هالعذر :?:
هذا التصرف بوجهة نظري مجرد من الإنسانية وخالي تماماً من كل معآني الحب اللي متوسدها له وسآده ماااااااااالت عليه وطاح حظه ولا قآم :cr:
هذا النوع من الحب

ما سميته أنا مزيف وليست حقيقي يعني حب تسليك حق عمرهـ عشان يكسب من كل الأطراف :hh:
لأبوك لأبو من جاااابك يالمناااافق

انتهى البآرت الأول ولي عودهـ بالتكملة تابعوني :d:

BrB

.،~|
​

 

[غَيّوضْ]

بآرت 2

​

نجي للبآرت 2 تكملة للحب

المزيف :d:
طبعاً لما يجي الرجال وقد أبدا ما لديه من شعور وأحاسيس كاذبه لزوجته وتظاهر لها بالحب

وقالها ما سبق ذكرهـ بالبارت الأول مالي خلق أعيدهـ :cr:
تجي الحرمهـ المسكينهـ المخلصهـ الوفيهـ الصآدقهـ بمشآعرها تجآهه حتى وأن غثها الله يغثهـ بكلمة بتزوج عليك

هالخبلهـ صدقت انه بالفعل يحبها ويموت فيها

مادرت انه نمس وثعلب مكار ولا توقعت انهااا حيلهـ بس عشان يوصل للي يبيه ويتزوج برضاها وقناعهـ منهااا
وهي تلقاها بين الحيرة والقلق هل هو بالفعل يحبني والا مايحبني :i:
وتمسك لها ورده وتجلس تنتف بها يحبني

مايحبني

ويمشي عليها الفيلم وتمر الأياااام وهو يتودد لها ويتظاهر بالحب

لهااا
لأن الكآرثة خلاص قربت وهو تقريباً أخذ القرين لايت منها بكذبته الحقيرهـ عليها وتبدأ الهدآيا اللي بمناسبة وبدون مناسبة :cr:
ويزيد صدق الحرمه له اي والله هذا يموت فيني والا وش اللي جآبرهـ أو خلآه يجيب لي هدآيا وهذا هو ماشي معي تمام
فجأة ميرندا

تغير الحآل والأحوآل
الرجآل بدأ يتلاشى الحب منه وبدأ تتغير أوضآعهـ وووو ولا عآد هو على حآله اللي كآن من قبل عليه :i:
ومع البحث والتحري وتشغيل الرادارات

تظهر الحقيقة المرهـ اللي ما تكون عالبآل ولا عالخآطر







للبآرت 2 بقية ولي عودهـ :d:
BrB
.،~|

​

 

[غَيّوضْ]

تتمهـ بآرت 2

​

ظهرت الحقيقة المره والرجال تزوج وقضى
كيف ووشلون ومتى لا علم لهااا وعلى نياتها تدربي راسها بهالحيآة ومواصلة مسيرة الزوجه المخلصه :d:
طبعاً لما تكتشف الحرمه هالمصيبه وش تتوقعون ردة الفعل بتكون
هي طبعاً الأكيد انها رح تختلف من وحدهـ لوحدهـ :
وحدهـ بتقوم الدنيا ولا تقعدها عليه

ووحدهـ بتجيها حاله نفسيه وتجلس لها كم سنه ما تكلم أحد

ووحدهـ بتسحب عليه وكأن شيء لم يكن وبتجلس تسوي كذا

<< وهذي حألة نااادرة جدا :q:
ووحدهـ بتشيل قشها وتفقع بيت أهلها وتترك له الجمل بما حمل

ووحدهـ بتلعن سلسفيل سلسفيله هو ويآهااا

وووووووو وَ مالنا شغل باللي فات كله
الا الوحدهـ اللي أخلصت له وحبته صدق وما كان في حيآتها أي شي غير فلان ومافي الا سم وسمعاً وطاعه يافلان :cr:
وفضلته على كل شي بحياتها اهلها ، صديقاتها ، عيالها ، وظيفتها ، علاقاتها الإجتماعيه
واستغنت عن كل هذا في سبيل إرضاء لذيل الكلب هذا وعذراً على هذا اللفظ ولكن هذا أقل مايقال
عن شخص كهذا وهذي وجهة نظري الخاصه ولا أحد يناقشني في نظرتي لشخص كهذا
طيب نكمل :
الحرمه اللي تقبلت الأمر ومرارته غصب عنها مو برضاها لأسباب عدهـ وأهمها انه أول شخص كان بحياتها مثلاً وما كانت تتوقع انه ممكن أحد يشاركها فيه بيوم من الأيام :d: >> حقاً غبيه

الأكيد ان تقبلها للموضوع ماكان بكل بسىاطه ولا اتوقع هالشي لأنها كانت تحمل له الشيء الكثير بقلبها :f:
بس لو كانت من الحريم اللي ماشيين عالمثل " ظل راقل ولا ظل حيطه " كان ما حرك ساكن بها الموضوع وأكبر ركبه تعطيه وفرقاه عيد ابو سروال وفنيله مااااااااااالت عليه

تمضي الحياة وتحاول الحرمه ان تتأقلم مع وضعها الجديد لأنه بالكاد تغير كل شي بمجرى حياتها
من الألف الى الياء ولكن لن يحس بمرارة هالشيء غيرها هي ولن يحتمل هذا الوضع غيرها

تمضي السنون << متعوب عليها صح :q:
والرجل تارة هنا وتارة هنا يعني يوماً هنا ويوماً هناك هع
تمضي الأيام بين مد وجزر ومحاولة لتجاهل الوضع من قبل الحرمه بس ماااش الحال كسيف :hh:
رغم كل هذا ورغم الإحتمال ورغم الصبر ورغم المعآناة مع المتخلف أبو سروال وفنيلة
الا انه يواصل مسيرته بالتمادي على الضعيفه اللي تحملت منه كاس المرّ ويستضعفها أكثر وأكثر
وفي قرارة نفسه اللي خلاها تتحمل الزوجه الثانية على راسها بكمل الناقص واتوطى في بطنها وماهيب قايلتن شي
اصلاً وين تبي تروح :?: بتروح لأهلها وبيردونها لي يعني مالها غيري انا ابو سروال

لكن التنح المتخلف نسى اغنية ام كلثوم " للصبر حدود " :hh::hh:
ويكمل مشوار اللعانه معهااا اللي كان بادي فيه من اول يوم خذها فيه من تسلط وتحكم ومدة يد وسب ووووووو الخ والقائمة تطول :cr:
بنت الأصول تتحمل ما تقول شي على أمل والله هالرجال يمكن يتغير أو يتعدل وتواسي روحها هم كلهم بالبداية كذا
وبعدين يتغيرون وبالفعل يتغير مستحيل يبقى على حاله والتغير بيكون واااااضح جداً الى الأسوأ طبعاً

لأن أبو طبيع لا يمكن يغير طبعه وذيل الكلب أعوج

والحرمه مافي يدها شي تسويه الا انها تواصل مسيرتها معه محتسبه الأجر وتردد
" صبراَ جميل والله المستعان على ما بلاها "

للبآرت بقية تابعوني :d:

.،~|


​

 

[غَيّوضْ]

وقفة مع التقييمآت 23

الذين يشاهدون محتوى الموضوع الآن : 13 ( الأعضاء 7 والزوار 6) مو مصصصصصصدق خلااااااااااااص واحد يقلي انه مززح

​

يوه ياغيوض قريتها وانا في المعهد شوي وابكي\\ الله يرحمها ويغمد روحها جنات النعيم مع الرسل والنبيين\\ويجعلها اخر احزان حياتكم

اللهم أمييييين والحين تذكرتي كلامي لك :d:​

المهم الموبايل اتفرمت ولا لاء هههههههه مساء الفل

ايه اهم شي تفرمت مو مهم من ساعدني فيه :cr::cr:​

هههههههههههه وقسم فطست ضحك من هالفاطمة !! بجد شي غريب والله !! بس أهنيك على أسلوبك والله ~

هههههههههههههه تسلم وحياااك الله ​

احلى وحده اخر وحده اليابان تفكر واحنا نشتري ^^ صبح صبح ياعم الحج كنت هنا

​

:hh::hh:

هههههههههههههه الكاريكتيرات رهيبه خصوصا اللي متضاربين عشان الحساب >> كثير تصير عند القحطان هههههههه >>

​

:q:

طيب وحنا مو من ضمن أهل العزيمة وإلا لنا الله ما شي يا عم إذا ما جات منكم بلاش منها أصلا ولا راح تجي خخخخخخخ /<~ كنت هنيا

حيااااكم اذا ماشالتكم الأرض يشيلكم مجلس أخوي :hh:​

وش هالرقم الي يطلع باخر المشاركة باول مشاركة بالصفحة ؟؟ رافع ضغطي خخخ

هههههههههه هذا عداد زوار الموضوع :d:​

لذين يشاهدون محتوى الموضوع الآن : 11 ( الأعضاء 6 والزوار 5) ‏challeng, ‏amr alshami, ‏solda, ‏انكسار الروح, ‏سراب المحبة //// هلا فيك خيتوو / من قدك باسم الله ماشاء الله/ مدونة رائعة/ ... يسلم عليكي

تسلم الله يخليك والأرووووع متابعتكم لي ​

هقوتك شياطين الليل تقراه خخخخخخخخخخخ

شوووووووووور :kmj-by0000 (72):​

ياساتر ماشاء الله وش ذا هذره خارقة وتقول انها تعشق الصمت اجل اذا كنتي تعشقي الحديث وش كان صار وفاتتني اشياء كثير يالله بقراها شوي شوي بس من جد قريتها شوي وهالسوالف ماتنمل

أوووووف بس منك اوووووف
ياخوي الف مرة أقولك لما أكون ماكله هوى وقتهاااا الزم الصمت مو كل وقت

خلني اسولف اطلع اللي بخاطري وبخاطر هالعاااالم اللي ودهم يحتسون ومب قادرين

الف الف شكر لكل من مر من هناااااا

​

 

[غَيّوضْ]

إجتيآز الألفية الثامنــة ^،*

,،, أشكر كل من شرفني بحضوره وتقييمه وتعليقه على مملكتي
وأشكر أيضاً كل من كان نايم بمملكتي تحت ولا شآرك يكفي حضوره :hh:

لكم

​

 

[غَيّوضْ]

المعذرة ..

بقية البارت 2 رح أكمله لكم بكرة ان شاء الله لإنشغالي الآن
تابعوني ولا تحرمونا من تعليقاتكم وأي استفسار جاهزه له :kmj-by0000 (72):







.،~|​

 

[غَيّوضْ]

حقيقهـ ..

​

ღ♥ღ حقيقة صفحتيـ ღ♥ღ

حقيقه صفحتى بيضا
ولاعمرى جرحت انسان
اساير وقتي القاسى بظلم وغيظ عدواني
ولا أذكر شكيت الحال لأي انسان مهما كان
أخفى قصة الحرمان عن القاصي وعن الدانى
أجامل وابتسم للناس وانا كلى شقى وأحزان
اقاوم دمعي ولكن عيوني حيل تفضحني


​

حيل تفضحني ،،
حيل تفضحني ،،
حيل تفضحني ،،
حيل تفضحني ،،



​

​

 

[غَيّوضْ]

يحسدوني !

يحسدوني على الفرحة ولايدرون بأحزاني .،
وأنا اللي ضحكتي كذبه كما المحزون في عيدهــ .،​

.،~|



​

​